تخيلتك حلم

تخيلتك حلم

تخيلتك حلم بعيوني من مريت

حلم بس يا حلم رايد يبجيني

انرسمت صورتك بعيوني من ناديت

رايح ياجمالي وياضوه اسنيني

يابسمة شفايف غازلها الليل

ياسر مااكولك بينك وبيني

ماطاحت دمعتي عليك تعرف ليش؟

عطشت صورتك شربت دمع عيني

ياصفنة الشاعر لو صفنها بليل

من دونك خيالي شلون ينطيني

فوك الحسره والهم والمصايب ذيج

ليش بنار هجرك جاي تجوويني

يالذة الماي البيه من اسنين

من دونك الماي شلون يرويني

يادلة عمر عاشت بنص ديوان

منتظرات ترجع ذن فناجيني

احس تابوت هجرك وردتك كاروك

من ترد ارد لاول سنيني

واذا لا سامح الله وغبت عن الروح

معاها انتهي والموت يفنيني

اريد اجمع شملنه الشتتاه الضيم

وانته لوحدي رايد تخليني

تعال انسه المضه خل ننظر اعله الجاي

وخل وردات حبك تنبت بطيني

تعال جروحي كثرن من بعد فركاك

وعلي هدن غدر بعدك سجاجيني

اطلبك دين ماوفيتي لساع

وانتظرك تجي خاطر توفيني

المصدر: منتديات مضايف بلدة الغبره

---

jodgj; pgl

ابو زيااااد

كلمات ومشاعر قمة الروعه بالفعل كلمااات تسمو بالنفس

كلمات تلامس الوجدان وتحاكي كل من يشتكي اللوعه والحرمااان


رررروعه ...


تقبل مني ارق الامــــــــاسي.............

خاطرة اكثر من جميلة شكرا لك

نحن بنتضار جديدك تقبل مروري