شاب فقير خطب بنت عمه المليونير

شاب فقير خطب بنت عمه المليونير

شاب فقير خطب بنت عمه المليونير
وزود عمه طلباته عليه فقال القصيده:
سبحان من يرزق بتوع الملايين------------------
------------------ الرازق اللي ما يخيب الرجا به
لي عم عنده معرضٍ للصوالين-------------------
-------------------أموت واعرف بس من وين جابه
وإذا سألته قال بعت الدكاكين--------------------
------------------ما يدري إني ما هضمت الإجابه
الشاهد إني رحت له قبل يومين -------------------
---------------------في قصره العامر ودقيت بابه
قال ارحب ارحب عدّ ورد البساتين ----------------
---------------------يا مرحبا باللي لفا يا هلابه
قلت البقا عدّ النفل والرياحين--------------------
-----------------يا شيخ شمل اهل الكرم والذرابه
قال اسلم الله يحفظك لي من العين -----------------
-----------------وآمر أوامر حضرتك مستجابه
قلت الصراحة طالبٍ قرب غالين------------------
-------------------ودي تزوجني كريمتك يابه
ثنّى وقال اهلين والله وسهلين -------------------
----------------والكون ترخص لجل عينك رقابه
لكن ترا عندي شروط وقوانين------------------
----------------قلت اشرط اشرط يا حبيب الغلابه
قال أولاً مهر العروسة ثمانين------------------
----------------غير الرسوم وغير حق العصابه
والثانية عمك يبي منك سبعين------------------
------------------رسم الأبوّة والنسب والقرابه
وام العروسة حقها منك ستين ------------------
-----------------عشانها ست الحسن والمهابه
واخوانها كلن يبي منك خمسين-----------------
------------------عداً ونقداً تندرج في حسابه
وخواتها الخمس اعطهن من ثلاثين--------------
-----------------عشان تتوثق عروق النسابه
وتجيب طقم عيار واحد وعشرين ---------------
---------------وخاتم من الماس المصفى ترابه
واكياس متروسة كعوب وفساتين---------------
-----------------ألوانها واشكالها ما تشابه
وموتر بسواقه وفيلا بدورين ------------------
------------------أثاثها من بطرته ينحكابه
واحجز لنا قاعة بقصر السلاطين---------------
---------------واحجز بها رقاصتين وربابه شاب فقير خطب بنت عمه المليونير http://www.alhnuf.com/108077.html
وامنع دخول اهل اللحى والبزارين--------------
----------------واعزم أمير المنطقة بالنيابه
هذي الشروط اللي على بالي الحين--------------
---------------وذكرني اللي ما حسبنا حسابه
قلت اذكر الله يا عدو المساكين----------------
------------------واستغفره لا يبتليك بعذابه
الظاهر إنك منت عارف أنا مين -----------------
----------------أنا لو ارقا فوق متن السحابه
ما جبت حتى نص درزن مواعين----------------
--------------واضحك بكيفك واعتبرها دعابه
شروطكم هذي شروط المجانين-----------------
---------------شروطكم شغل ابتزاز ونهابه
شروطكم تقصم ظهور البعارين-----------------
-----------------شروطكم همّن وغم وكآبه
شروطكم والله سيوف وسكاكين----------------
--------------تذبح بنات المجتمع مع شبابه
وين الرضا والعطف واليسر واللين--------------
----------------اللي ذكرها الله بمحكم كتابه
وين الصفات اللي أمرنا بها الدين ---------------
------------ وين اختفى نهج النبي والصحابه
يا عم جعل اللي خلقنا من الطين----------------
----------------يرد عقلك من خطاه لصوابه
ويجعل نصيبي عند غيرك قل آمين---------------
------------ويحسن عزا الصابر ويجزل ثوابه
قال انت لو فكرت تفكير صاحين ----------------
-------------ما شفت في مجمل شروطي غرابه
حنا بعصر العولمة والمزايين ------------------
------------ ماهوب عصر الفلسفة والخطابه
الناس تسعى للرتب والنياشين-----------------
---------------وانت اهتمامك بالشعر والكتابه
والشعر ما ينفعك لو هو دواوين ---------------
----------------ما دام جيبك مثل بيت الخرابه
يا بوك لا تسمع كلام المصاخين---------------
------------واسأل مجرب عاش في وسط غابه
قلت الله اكبر يا محرر فلسطين -----------------
--------------من يسمعك يحسبك ذيب الذيابه
تراك شايب راس مالك ريالين -----------------
------------- والبنت ما تسوى جناح الذبابه
قال انقلع مالت على وجهك الشين---------------
----------------لا عاد اشوفك عندنا يالزلابه
قلت ابشر ابشر لكن الباب من وين---------------
-------------واقفيت من عنده على صوت بابه
مع تحــــــــــــــيات ....؟؟؟؟المغــــترب

المصدر: منتديات مضايف بلدة الغبره

---

ahf trdv o'f fkj uli hglgd,kdv

المغترب

الف شكر لك وعطاك العافيه

تقبل مروري

والله اجل الطلبات الي انطلبت
على عمر سليمان ارحم
(خطابه)
مشكور اخوي المغترب على قصيدك الجزله
والي عجبني اكتر
تراك شايب راس مالك ريالين -----------------
------------- والبنت ما تسوى جناح الذبابه
قال انقلع مالت على وجهك الشين---------------
----------------لا عاد اشوفك عندنا يالزلابه
قلت ابشر ابشر لكن الباب من وين---------------
-------------واقفيت من عنده على صوت بابه



أخوك
أسيـــر الشـــــوق بـــــــــــــو قاســــــــــــم

الف شكر لك اخوي المغترب

روعــــــــــــــــــــــــــــــــــــــة

...................

ترى الحين في شروط خرافية لا يقبلها العقل او حتى الشرع

هذاااااا وهو ولد أخوه طالبه بالاشيااااااااء

أجل لو غريب كان لبن العصفور ارحم

نسي الدين ووصيه سيد البشريه
محمد صلي الله عليه وسلم (من اتاكم من ترضون دينه وخلقه فزوجوه)

ام مشعل

مشكوررررررررين على مرووووركم الكريم




اخوكم المحب لكم المغتـــــــــــــــــــــــــــرب ؟؟؟؟؟

قصيدة جميلة وواقعية مشكور على مجهودك