يول قلت لك ماني خليف

يول قلت لك ماني خليف

السلام عليكم ورحمة الله وبركاته،،
يروى ان احد الطفرانين شعر بالجوع الشديد ولم يكن يملك في جيبه لا قورية ولا مصرية.......يعني يفوت القطار من جيبه اليمين يطلع من الشمال ويداور ما يلقى عنده ال..(ترن).
احتار شكون يسوي ؟
اخيرا ...التفت حوله في السوق المكتظ بالمارة وشافلك واحد قروي فوق الخمسين من عمره,لابس سترة من دور الاتراك وجيوبها منفوخة عبالك بيها اورام سرطانية.
اجاك يتقنص بقندرة بلاستيك(اعزكم الله)وبها اكثر من ثلاثين شق.
قال الطفران:
عليم الله الا اخليك تعرف ان دين الله حق وان الساعة لا ريب فيها....
تقدم منه وهو يرحب بصوت عالي وفاتحا ذراعيه للقروي فاحتضنه وقال:
حي الله عمي خليف....عاش من شافك يا هلا ومية مرحبة بالغالي عمي خليف.
فرد القروي قائلا:- خليف شنو يابا تراك وهمان؟
قال الطفران:معقولة انساك يا عمي خليف ووالدي المرحوم مات وهو يوصيني بيك...عمك عمك....
قال القروي: الله وكيلك ماني خليف يا ابن اختي ولا اعرف رحمة الوالد.
قال الطفران:-اسع مو وقت الحكي ....فوت فوت يا حياك الله تا نتغدى واسع تتذكرني على كيفك.....
(القروي سمع بيها غدا....قال لحاله:كل شي يصير..يجوز ابوه من معارفي وانا نسيان؟
قال:- يابا غداك مأكول وجزاك الله خير خليني اروح الحق السيارات قبل ما يمشن وانقطع.
قال الطفران:- وين تروح؟
برحمة المرحوم ما تتحرك ولا اتركك قبل ما غديك....لحد عليك يا عمي خليف...خوش منت ضايف قرباط؟
....المهم سحبه الى المطعم يريد ما يريد....قال الطفران لابو المطعم:
حط لنا كيلو واعتني بيها ترى عندنا ضيف عزيز عالمرحوم.
رد خليف(الوهمي):-يابا نص كيلو بزيادة وين نروح بالكيلو....قاطعه الطفران:-توكل بالله عمي خليف واجبك اكبر وتستاهل كل خير .
سكت خليف غصبا عنه...(يلوقله)...الشغلة بيها كباب لا يمكن مقاومته وخصوصا اذا كان الواحد جوعان.....
بعد قليل جائت الصينية تفوح منها رائحة خرفان السنة الهشة ...وضعها الاجير امامهم وانصرف فناداه خليف(الوهمي): هات بصل هات......
ثم اعاد خليف اكمام السترة الى الخلف وطواها لتتحرر يده ويسهل عليه التقاط الاسياخ واحدا تلو الاخر بسهولة ويسر...
بينما اسرع الطفران بتناول طعامه....(الكيلو عشرين صيخ)
اكل منها الطفران سبعة وقال لخليف:
كل تهنى عمي تراني سبقتك وامانة عليك اذا تترك صيخ وراك....
رد خليف: تراني يا ابن المرحوم ماني مقصر الله يرحم روحه كان مثلك يحلف علي نفس حلفانك....قام الطفران متظاهرا بغسل يديه وسلك طريقه نحو صاحب المطعم قائلا:
الحساب عند عمي خليف وخرج شاكرا فضل الله.
اما خليف
فنزل بالصينية نزلة عنتر بن شداد ببني حمير في اليمن.
ما وصل للصيخ 18 ....19....حتى كاد الطعام ان يخرج من انفه.... المهم رقم عشرين سلطه من دون خبز ثم لملم اغراضه ونحر الباب قاصدا الخروج فاستوقفه صاحب المطعم قائلا:
الحساب عمو؟
قال :-حساب شنو يابا؟
قال:حساب الكباب عمي....
قال: انا عازمني ابن المرحوم...
قال:عمي الله يوفقك لا تجدبها مد ايدك حاسبني بلا مرحوم بلا بلوط....

نظر القروي الى ابن المرحوم فلم يجده قال لصاحب المطعم:
وين الرجل اللي كان معي؟
قال صاحب المطعم: خرج من ساعة وانت قاعد تبلع على مية هونك.
هنا ادرك القروي المقلب وان دفع الحساب امر لا مفر منه فمد يده واخرج الصرار وهو يلعن المرحوم ويلعن ذريته..وخرج وهو يدردم بينه وبين نفسه:
والله قلت له ماني خليف.
ههههههههههه
م\ن
اتمنى ان تكون مشاركتي قد اضافت بسمة على فم كل مغترب
او بعيد عن الدار

المصدر: منتديات مضايف بلدة الغبره

---

d,g rgj g; lhkd ogdt

هههههههههههه



صراحة مبدع


وموضوع اجا بوقته


تقبل مروري

العبلاوي

هههههههههههههههههههههههههههه
هههههههههههههههههههههههههههه
مشكور

ههههههههههههه والله زين يسوي فيه
مشكور اخوي العبلاوي

دوووووم هل ضحكة يالغوالي

نورتم الصفحة بمروركم العطر