غيبتك لو هي دقيقه تعتبر صده/محمدبن فطيس

غيبتك لو هي دقيقه تعتبر صده/محمدبن فطيس

غيبتك لو هي دقيقه تعتبر صده . .

الوقت عقبك سجن . . وغيابك اسياجه . . .

لا تعتذر لي ترى ماعاد في شده . .

اعيد حكي ٍ . . يكود الصدر مخراجه . . .

دامه يوصّف بجود ابيك وبجده . .

وشلون تبخل . . على المجروح بعلاجه . . .

ووشلون قاوااك قلبك رده وصده . .

مع انه بيّن عليه الضعف والحاجه . . .

ياقو قلبك برد ايمينك ورده . .

بخلت بمصافحه . . وارهيت بحراجه . . .

لو ماسقى غيم عينه جرهدي خده . .

تراه يبكي . . وقلبه يلحق اخلاجه . . .

ولو شفته يمازحك تراه من جده . .

الضحك عن . . درب ضيق الصدر ماعاجه . . .

غير الوله والغلا عليك وش حده . .

يادرب ليله ويامسراه وسراجه . . .

كنّه يعرفك قبل يلقاك من مده . .

مع ان مابينك . . وما بينه امواجه . . .

هواك بدو ٍنووا للقلب بالشده . .

ورياض قلبي لشوف البدو محتاجه . . .

والوصل بحر ٍ متى انت بتسمح ابمده . .

السيف صبري . . وبحرك شح بامواجه . . .

قصيدي اللي قريته واللي اعده . .

قديم . . لا يزعلك معناه واخراجه . . .

وفراغ قلبي غلاك ارهى على سده . .

ليتك تشوف الغلا . . وابراجه وعاجه . . .

اقوى رياح العذل ما تقدر تهده . .

والا الجفا . . لو تنفس هدم ابراجه . . .

تغانم الوصل لن البعد لابده . .

ياتيك في يوم . . ثم ياخذك بادراجه . . .

اللي لي انك تلين وتترك الشده . .

واللي لك . . اني ماسولف بك لهراجه . . .

ولاني بزعلان واللي نرتجي مده . .

يا باب قلبي . . ويا قفله ومزلاجه . . .

زعلة تغلي ومن تزعله من قده . .

ما دام كل ٍ . . يبي دربك ومنهاجه . . .

غالي وتبخل علي وتطّول الصده . .

الله يسامح غلاك ويلعن الحاجه . .

المصدر: منتديات مضايف بلدة الغبره

---

ydfj; g, id ]rdri jujfv w]iLlpl]fk t'ds

هواك بدو ٍنووا للقلب بالشده . .

ورياض قلبي لشوف البدو محتاجه .

العبلاوي صح لسانك اخوي

كلمات روعه
تسلم عليها وصح لسانك
تحياتي

الله يساااااااااااااااااامح غلااااااك ويلعن الحاجه . .



صح لسان شاعرها وتسلم يمين ناقلها
لاهنت اخوي العبلاوي عالقصيده الرائعه
يعطيك العافيه ولاتحرمنا جديدك!!

غالي وتبخل علي وتطّول الصده . .

الله يسامح غلاك ويلعن الحاجه . .
جميل ياجميل
مبدع ماقدر اقول اكثر من كذا

نورتم الصفحة اخواني واخواتي

بمروركم الرائع

دمتم بحفظ الرحمن ورعايته

سلمت يداك اخوي العبلاوي

سلمت علي النقل

اخ العبلاوي ويعطيك العافيه

اشكرك العبلاوي


ابيات جميلة


وكاتب اجمل



احترامي