ابوذيات عالميه

ابوذيات عالميه

بسم الله الرحمن الرحيم
ارجو ان تنال هذه الابوذيات
اعجابكم

1.عليك الروح نص الليل ونت
لان برغي القلب مفتوح والنت
ادور عليك بالجات والنت
وينك ياحلو بس مر عليه

2.سفن حبك بشؤاطي القلب شرعن
وسهم حبك نبت بحشاي شرعن
اريدمذهب يحلل البوس شرعن
واذا ماكو راح ارد للجاهلية

3.شكثر بجفاك ون قلبي وهم لك
وعقلي غفل فاركني وهم لك
شتظن انساك ياغالي واهملك
وانت بدمي دم يدور بيه

4.عمي ذبت بغرامك مايع اني
ومنو بهجر الغوالي مايعاني
نشف من اثر هجرك ماي عيني
وبقى بس القهر والضيم بيه

5.اليريد الحلو لابد ويامر
وحبيب الروح يدلل ويأمر
اصيرن نار من يبعد ويامر
وارد قالب ثلج لو رد عليه

6.قلم كلبي تداين ورقة منك
وابد ماكو بجمالك وارقى منك
اسجلك راح الاول ورقمنك
واكتب لالفته محجوز اليه

7.الشوك وياك صدفة قابلاني
شيجي منك عليه قابل اني
تقشمرني بضحكتك قابل اني
غشيم وتعبر الضحكة عليه

8.تروح الروح بغيابك واردهه
وكتاب اجفاك يامدلل وردهه
روحي بغيابك ترى يذبل وردهه
ماي انته وترد الروح بيه

9.صرت مرهون حبك وانت راهن
وعليه ايام هجرك ون تراهن
تجي مرة نتواجه ونتراهن
من الاكثر يحب ويود أخيه

10.صديقي اشكد وفي بطبعك وصادق
واحبك مااحب غيرك وأصادق
نخيت المهدي والباقر والصادق
تظل انت اعز محبوب اليه


مع تحيات

	الاســـــكــــنــــدر

المصدر: منتديات مضايف بلدة الغبره

---

hf,`dhj uhgldi

شكثر بجفاك ون قلبي وهم لك
وعقلي غفل فاركني وهم لك
شتظن انساك ياغالي واهملك
وانت بدمي دم يدور بيه

الله الله صح لسانك

كثر النا من هالابوذيات الحلوة ترانا نحبها

تحياتي لك

مشكور اخوي الحسراوي
على هالرد الجميل
بارك الله فيك

الله الله صح لسانك يلغالي

نحن بنتضار جديدك

تقبل مروري

أبو مغير
أشكرك على مروك العطر

عبدالله المحمود

اني حزام ظهرك وكت الشدايد انشد
واغني للموت واهيجن وانشد
واذا تريد الطيب اسال الطيبين وانشد
يخبرونك ساسي ما تشيد برديه