ابوو ذياات منوعة

ابوو ذياات منوعة

مسااكم الله بالخير اخواانى واخوااتى

اليووم جاايب لكم مجموعة من الابوو ذياات وان شااء الله تعجبكم


أراوي جروح قلبي وأنت راوي
وروايه شوك روحي وأنت راوي
عثك ألناس حشف وأنت راوي
بريمك طاح من خدك بديه

أطيع بغايه غيره لو مرايه
سوره بيوم يوكف لو مر آيه
شني كرستاله وجهك لو مرايه
أباوع أشوفن كلشي بيه

أعرفك وأعرف طباعك وانا وياك
وكلبي كبل وناتك ون وياك
ألدنيا وكلبي وعيوني وأنا وياك
أذن عندك بخت وحظيت بيه

أنا مجرب وفي ومعروف وصلي
جنوبي ومال ألأول لين وصلي
أذا ينكطع بألطيبين وصلي
أريد ألله وهلي يكطعون بيه

أنت ألحسن كله وألآداب
ولغيرك ماعشك كلبي ولاداب
تسوى ألطب وألهندسه وألآداب
وألقانون ياخذلك تحية

بعتلج كلبي وأنطيتج وصل بي
وعذابج لآخر ألدنيا وصل بي
خليه ع ألجمر بيدج وصل بي
ولامكسور خاطر يرد ليه

ردت مره على كيفي منك أبسل
وتالي طلعت روحي منك بسل
تدري شراح أسوي من أكبسل
أدج روحي وأكلهم عال بيه

روحي شلون أكضها من تهم بيك
ومثل تهمه يخايب متهم بيك
ألظيم أليمر بيه منت هم بيك
ولاجنك وأنا مبين بيه

سألتك على جروحك ماشفت بيك
حزين وغير حزنك ماشفت بيك
شفت شمات عندك وماشفت بيك
شتظن طبعك طلع عورات حيه

شفافك عسل وحصتي مره منهن
وكطع لي جلاي سهمك مره منهن
جم مره لحكتك ومره منهن
مو أنت طلعت وشصار بيه

عسل بشفافهم كل وكت مريت
حلو طيب جنت مجبور مريت
أليخون بعشرته ياريت من ريت
يجي بساعه زعل يوكع بدية

عسل بشفافهم كل وكت مريت
حلو طيب جنت مجبور مريت
أليخون بعشرته ياريت من ريت
يجي بساعه زعل يوكع بدية

عنيد وهألعناده ألبيك مره
أليزعلك روحله وبألجذب مره
يمكن يعترف بألشوك مره
ويكلك منك أحتاجيت جيه

فاض ألشوك بيه وألمحنه
وكون أحضى بخيالك وألمحنه
ألم شمعات بيه وألم حنه
حزنا لأن مامريت أنت بيه

ماصخ جنت وبجفي ملحتك
تلح ماتلح متهمني ملحتك
يعنكود ألعنب لتظن ملحتك
كبل لاجيك طحت أبين أدية

هدل متني وسألتيني شهد لا
عليج أول بشر صلى وشهد لا
ألاه غير سبحانه شهد لا
تسأليني بعد ع ألصار بيه

وحق بير ألذي ليوسف حمدلاه
وحق ألطله للباري وحمدلاه
قضيتك مو طبيعية حمد لاه
هدل متنك عليمن شنهو ألقضية

ألأبوذيه بس ألك وحدك نصبها
ومحاجيك عسل ع المر نصبها
ألكلب جم سيطره بروحي نصبها
غيرك مايمر لو مو هويه

دريتك بيه تغدر وعلمنك
وصيتي يفوق صيتك وأعلى منك
يصير ألخير باجر وأعلمنك
وأصفالك ورد ألحك أليه

ربع عمري ألج يرخص ونصفي
يحلوه أرجوج فهميني ونصفي
نصفي غارك بحبك ونص في
سبع لوعات بس يبجن عليه

زمانك لو زعل وياك خله
وأسكت لاتبين بيك خله
ترى مو سهله ألخليل يعوف خله
بس صعبه ألكرامه تموت بيه

وحك حجه ألاهك منتظركم
وروحي بنار أحطها منتظركم
صار شكد أتاني ومنتظركم
سبع ساعات مافكرتو بيه

أضحك فدوة لجفونك وعيناك
چنه بلا وعي وهسه وعيناك
وك تعال بكلبي انسبنك وأعينك
وأفصلك لون تتغير عليه

حبيبي بيا بخت وياي شديت
عدا هجرك ألي شقدمت شديت
بصبعك حتى تذكر خيط شديت
انحسر دمك ولافكرت بيه

زماني ماشهد لأحد شهد لي
وحرت وياه شرسله شهد لي
واحد گال للثاني شهد لي
وشهد طارت عليكم هاي هيه

سلالتكم نسب يوسف نسبها
ألدنيا بغير نظراتك نسبها
ألوادم ميه بألميه نسبها
بس نسبه جمالك سبع ميه

عنيت وبس عليه ألجدم يعني
ولاغيره ألگلب بالنار يعني
أگله شكد تحبني يكول يعني
شنو أليعني منو يفسرها ليه

مو تعليم شعر ألحب تره ألهام
وكلبي بس ألك وحدگ تره ألهام
لغيرك مانطخ صدگ تره ألهام
ألك وحدك فقط ناخذ تحية

ندير ألشوف عنك وأنت لافت
مثير ألنظر أنت وأنت لافت
سنيني مايلفن وانت لافت
سنينك كل حلو بيهه سجيه

عود آنا كلت مابعد أودك
وأكلهم شفت غيره وهو عفته
أشو ياخد أبوسه ألكاه خدك
وياهو ألأحبه يطلع انته

قشمروني وجان ظنهم قشمروك
وغلطو أكبر غلطه جي مافكرو
هم باعوني وعلى عنادي أشتروك
وانت آنا أذن هم تقشمرو

كبل لاتحجي ادري شرايد تكول
وعليمن هألحجي خليها سكته
عود آنا أحب غيرك منو ألكال
حتى بألحلم غيرك كرهته

أحبك حب ولامر على أنسان
وتدري شكد أحبك راح أفهمك
حلمت بألجنه آنا وانت بالنار
أكفر كمت حتى انتقل يمك

أرى جرح ألعشك يكبر ورا ألدوم
دخت بيك وكمت أدعم وردم
مو للدوم أحبنك ورا ألدوم
وأكول مقصر وحقك عليه

ألجمال ألبيك دايخ هو بيك
ويمكن أيدك تخدر من تكض أيديك
أنت ربك خالقك فد شي خاص
يمكن مسويك أله يعاين عليك

ألدمع شاهد بحبج ها شهد ها
ألكلب بألكلب جلب ها شهد ها
شهد شنهي أختلفنا ها شهد ها
شهد غير أنتي وديتي عليه

تريد وياي تتراهن على ألشوك
تعال أتراهن آنا وياك يله
أتحداك أذا من كدي تشتاك
لان مشتاكلك كد رحمه ألله

حلوه ألشامه ألبخدك ودكه
وك تدك وياي دكه بأثر دكه
بعد ماأوصل لبابك ودكه
لأن ساسك رمل ونهدم بيه

دوخه بكلبي وبراسي ولاما
أبو مامل علي مثلي ولا أما
هو ألداخ بألأول ولما
دخت آنا بده يضبط عليه

ساعه ألوكت مشراكه سعافاي
وعلي بجفاك ماتلحك سعافاي
جنت نخله وتفييلهم سعافاي
وعلى كرصه خبز شيمو بيه

طلبتك ماكلتلي ابشرولاهاك
شجاك وغيرك عني ولہاك
ضميرك لازم يأنبك والآھك
هم يحاسبك باچرعليہ

عليك القيت حجه والقي يامه
ويامةبراسك احجي والقي يامه
تدري الحشريمتةوالقيامه
القيامةوالحشرزعلك عليه

عيوني غوشن ماشوف قفلن
وبس عليك قلبي انقفل قفلن
تريد تروح قف لتروح قف لن
شكل للناس قد راح من أديه

فر راسي ودخت وألكلب ياماي
يبويه منين هذا أنخلق ياماي
طين وماي!لاياطين يا ماي
طين وماي هيج يسوي بيه

منو يشبهك جذب غير أنت فلته أشبيك
حتى أنت أعتقد ماتشبه ألأنته
لذلك من تجيني ألناس كلها تصيح
خيعونك يعمي منين حصلته

وك سوي فضل علي فوت
وهم قلبك تولع هم علي فت
علي تفصال كاعد علي فيت
شكثر قاسوك ترهم بس عليه

وشكراا لكم ... محمد الحسووني ..

المصدر: منتديات مضايف بلدة الغبره

---

hf,, `dhhj lk,um

دائما مميز


أخي محمد


أشكر جديدك



تقبل مروري

مشكوور اخوي يعطيك العاافيه


علي مرووورك الطيب نورت الموضووع


وشكراا لك // محمد الحسووني ..

اخوووي محمد


تسلم على هالابوذيات الروعه


تقبل مروري



تحياااااااااااااتي............

مشكوور اخوي حسووني وافتخر

علي مروورك الطيب نورت الموضوع

تحياتي لك // محمد الحسووني ..

أنا مشتاقلك وأتمنى أصل بيك

وشوف عنادكياابن آدم شوصّل بيك

أنا أحبك وبقلبي وصل بيك

وباكرأنا مطلّع بيه هويه

أشكرك أخي محمد على هذه الأبوذيات

مبــــــــــــــــــــــــــــــــــدع

أبو طلال

مشكوور اخوي ابوو طلاال

علي مروورك العطر نورت الموضووع

حيااك الله انت المبدع بلاا شك اخوي

تحيااتي لك // محمد الحسووني .

شكرا ع ايوذياات منو يشبهك جذب غير أنت فلته اشبيك حتي أنت أعتقد مااتشبه الا انته


لذلك من تجيني انس كلها تصيح خيعونك يعمي منين حصلتههههه


جدا رائعه


تقبلا اشواقي ام مششعل

رحت اصلي الفجر ابتديت بالسنه ريج البنيه دوا لليوجعه سنه الله بالاني بخلق ماهم على سنه ضيقم خلقي من بعدم عليا

شكرآ اخي محمد وانشالله دوم على سنه
( التواضع طبعي )