لا تتركين أحدٍ يحس بَ وجعنا ..!

لا تتركين أحدٍ يحس بَ وجعنا ..!

لا يَ هوى القلب المعنّى ! و رجواه
لا تتركين أحـدٍ يحس بَ وجعنا !

ماظنّي أحدٍ يحمل .. اللي حَملنـاه
حنّا .. خِلقنا و المعانـاه ( معنا ) !

الهـم بادرنـا ! و حنّا .. كتمناه
و الوقت شتّتنا .. بعد ما اجتمعنا !

و الصبر : حنّا فَ الغرام ! ابتدعناه
لكن حسااافه .. صبرنا مانفعنـا !

ما مرّ يـوم ٍ فِ بُعدنا .. ما بكيناه
من ضيقنا .. كن الوطن ماوسعنا !

و لامن ذكرنا وقتنا .. اللي قضيناه
صحنا بَ عالي الصوت محدٍ سمعنا !

لِ الوصل دربٍ من عنانا / مشيناه
و تاليه : لِ دروب المفارق رجعنا !

يوم ٍ جزعنـا .. من حُمول المعاناه
محد ٍ درى عن حالنا .. لو جزعنا !

أرواحنا .. تلقى بعض فَ المناجاااه
نبحـر وننسى هَمّنا .. اللي تبعنا !

ما واحد ٍ منّـا .. تنكّر !! لِ مبداه
بِ إحساسنا ماقـد شرينا و بعنا !

لو غيرنا .. زلّت به أقدامه و تـاه
وأهداف عمره كلّها : دون معنى !

حنّا عرفنا الوقـت فَ أوّله و أتلاه
لو ينخدع به غيرنا ( ما خدعنا ) !

و .. يَ نور عيني ! بادليني المواساه
يكفي ترى من ما دهانا .. شبعنا !

أرجوك كفّي دمعتك و إكتمي الآه
لا تتركين أحدٍ يحس .. بَ وجعنا !

المصدر: منتديات مضايف بلدة الغبره

---

gh jjv;dk Hp]S dps fQ ,[ukh >>! jjv;dk

صح لسانك اخوي الفيصل


يعطيك الف عافيه


تقبل تحياتي

ما مرّ يـوم ٍ فِ بُعدنا .. ما بكيناه
من ضيقنا .. كن الوطن ماوسعنا !

و لامن ذكرنا وقتنا .. اللي قضيناه
صحنا بَ عالي الصوت محدٍ سمعنا !

لِ الوصل دربٍ من عنانا / مشيناه
و تاليه : لِ دروب المفارق رجعنا !




اختيار رووووعه رووعه
بالصميييييييييم وربي
الف شكر الفيصل على انتقائك الرائع
رآآآآآآقت لي بقووه

صح الله لسانك ورفع مقدارك وشانك
ابيات في منتها الروعه
لك مني اجمل تحيه
.
الابرز

ابو راشد .. صاحبة السمو .. الابرز ..

الف شكر .. على تواجدكم العذب ..
والف شكر ايضاً .. على تزيينكم متصفحي ..
واسعدني جداً انها راقت لكم ..

ماننحرم هذا التواجد المميز ..

ودي ..

صح لسانك يالفيصل ياذواق ياحساس ياجميل --

الله يديم عليك هالروح الحلوة

صوت الحق .. الف شكر لك على تواجدك المميز ..
ماننحرم من تواصلك .. ومن حروفك العذبة ..

ودي ..