نجـــم فجري

نجـــم فجري

البارحه ساهر ٍ والدمع يجري= و القلب حزن ٍ على فرقا حبيبه

كريم يا بارق ٍ ينوض حدري= و اللي سرى بالغداري يقتدي به

والى ضرب وادي ٍخلاه يجري = عسى طروش البوادي ترتوي به

متخفي ٍلابس ٍله بشت بــــدري = حسبي على البشت واللي غرني به

يا مدمج الساق حالي منك مبري= بري النجاجير عيدان صليبه

ابو قرون ٍتغذى بالشمطـــــري= مثل السفايف على كور النجيبه

ابو عيون ٍالى دلت تخـــــزري= ترمي بالاسباب ويل اللي تصيبه

ابو خديد ٍ يشادي نجم فجـــــري= ولا ّ القمرلا أنتحى يبغي مغيبه

يا ليتني عالم ٍبالغيــب وادري= عن غض الانهاد من هو من نصيبه

من طاب لي طبت له والكل يدري= واللي يتغلى علينا وش نبــي به

يامن يرد الحبيب وياخذ أجري= قفا بلا سبة ٍ ربي حسيبـــــــــه

ما قادر الله على المخلوق يــــجرى= والعبد لزماً ترى ياخذ نصيبه

وا قو ما صابني وا قو صبــــــري= لعل ما صابني منه يصيبه

يا اللة طلبناك مغني كل فقـــــــري= كل ٍعلى قد حاله تعتني به

المصدر: منتديات مضايف بلدة الغبره

---

k[JJJl t[vd

سمو المشاعر يا شاعر

صح لسانك وتستاهل تقييم

الله الله صح لسانك

نحن بنتضار جديدك تقبل مروري

يلغالي لا حرمنة جديدك

عفيه يا بن عمي وانا بك فخري * سمو المشاعر شاعراً نرتجي به
ودرع الرصاص يصيرلك صدري * وعمري يا بن عمي بك افتدي به
.
.
.
الابرز: يهديك التحيه

اخي الابرز

يعافيك الرحمن من كل شر وعسى عمرك طويل واشكرك على مرورك الطيب


يـا ولـد عمـي مالـكـم عنـدنـا لـيـل*** الا نــهــار ٍ دايــــمٍ هـــــو مـنــانــا

نـبـدي تراحـيـب لـنـا دايــم ٍ نشـيـل*** ارحب تراحيـب المطـر فـي رجانـا

تقبل تحيااااتي