طريقة ربط الكرفته

طريقة ربط الكرفته

بسم الله ...
طبعا اعتقد ربط الكرفته مو مهم لكثير من الشباب لأن قليل يلبسونها بس فيه بعض الاشغال اوالوظايف يلزمهم فيها ربط الكرفته ...
ومنها وظيفة الطبيب .. الطيار.. المظيف الجوي ..وغيرهم وغيرهم ..
كنت الاحظ بعض الشباب معنا في الشغل ما يعرفون يربطونها او تكون مربوطة بشكل حلو بس لو تفكها له ما عرف يربطها ثانية وتلقاه اذا راح للبيت يشيلها والعقدة فيها يعني ما يفكها ابد وتلقى اللي رابط له هالربطة راعي المحل اللي اشترى منه الكرفته ...
علشان كذا ابتكلم عن طرق ربط عقدة الكرفته واببين اسهل طريقة للربط ... وكل واحد يمشي على اللي اسهل له وابنزل صور للطريقة ...
ابركز اول شي على اسهل طريقة وهي الطريقة اللي استعملها ..
واسمها ...
1- Four-in-Hand Knot ...
طبعا هالعقدة تعتبر اسهل طريقة .. وتعتبر مناسبة لكل المناسبات .. وتعتبر الاسرع ..
الخطوة الاولى :
تزر زرار الياقة وترفعه مثل الصورة ..

الخطوة الثانية :
تحط الكرفته على رقبتك مثل الصورة وركز في الصورة على طول الطرف النحيف من الكرفته وطول الطرف السميك وتأكد ان الكرفته ما لفت حولين نفسها ورا الرقبة ..

الخطوة الثالثة :
تاخذ الطرف العريض وتوديه للجهة الثانية وبعدها تودي الجزء النحيف للجهة الثاني ويسوون كثل حرف الـ × تأكد ان الجزء السميك هو اللي فوق وحط اصبعين علشان تثبت الـ × اللي يبعد عن زرار الياقة تقريبا 2 سنتيمتر..

الخطوة الرابعه:
تاخذ الطرف السميك وتلفه من ورا الطرف النحيف (لاحظ ان الاصبعين اللي ثبت فيهم من قبل الى الان في مكانهم )

الخطوة الخامسة :
تلف الجزء السميك من فوق الطرف النحيف (فوق اصابعك اللي تثبت)

الخطوة السادسة:
تاخذ الطرف السميك وتدخله بين الياقة والكرفته واعتقد الصور هذي بتبين الطريقة بشكل حلو ..



الخطوة السابعة :
دخل طرف الجزء السميك مكان المكان اللي كانت فيه اصابعك اللي تثبت يعني داخل العقدة ..

الخطوة الثامنة :
اسحب الطرف السميك ..

الخطوة التاسعة:
علشان تصغر حجم العقدة اسحب الجزء السميك لين يوصل حجمها للحجم اللي يناسبك ..

الخطوة العاشرة :
علشان تقرب العقدة للرقبة او الياقة اسحب الطرف النحيف..

الخطوة الحدعش :
اقلب الطرف السميك وبتشوف علامة الماركة دخل وراها الطرف النحيف علشان تثبت ..



اتمنى الشرح يكون واضح ...

المصدر: منتديات مضايف بلدة الغبره

---

'vdrm vf' hg;vtji

مشكوور اخووي يعطيك العاافيه


علي هالمعلوومات باارك الله فيك


تقبل مرووري .. وشكراا لك ....


مع تحيااتي // محمد الحسووني ...

اشكرك اخي على هذا الموضوع الجميل
واشكر اهتمامك في المنتدى الغالي مشكور
لك مني اجمل تحياتي
ونتمنى ان ينزف قلمك بماهو مفيد لنا ولمنتدانا

مشكور اخي الزير سالم


حنا نعرف نلبس الكرافيته

بس خوفي بعض ناس يشنق

نفسه

هههههههههههه

لك اجمل تحيه

اخوووي الزير مشكووور على هالمعلووومه

تقبل مروري




تحيااااااااااااااتي...........

مشكووووور كفيت ووفيــــت
الشرح واضح بارك الله فيك

يعطيك العافيه