منتديات مضايف بلدة الغبره - عرض مشاركة واحدة

9th April 2011

1/ بدايتا مرحبا فيك .. السؤال الأول يقول .. ما سبب تسميه نفسك بهذا النك نيم ؟ هل هو مجرد نك نيم ام لك سبب ؟
وانا .. اول شي .. بحب احييك على افكارك .. المميزة ..
وروحك المرحة .. الجميلة ..

وبالنسبة للنك نيم .. له اكثر من سبب ..
بس على الاغلب انه نك نيم حلو ..
ولا انت عندك راي ثاني .. ؟!!

2/ هل انت من مدمني الإنترنت ؟ وهل ترى الإنترنت ضروره أم مجرد تسليه وقضاء وقت ؟
لا مو مدمن .. بس ضروري هالايام ..
وبنفس الوقت تقدر من خاله تطلع من حالاتك ..
وتقضي وقت فيه ..

3/ هل تستطيع الإستغناء عن وجود الإنترنت في حياتك ام لا؟
نعم .. اقدر .. ( شدعوه ) .. !!

4/ كم من المنتديات انت تشارك فيه وبإستمرارية ؟ ( اذكر رقم لا أسماء )
يعني .. تقدر تقول ثلاثة .. من ضمنهم منتديات بلدة الغبرة ..

5/ انت تفتح المنتدى بشكل يومي ولا اسبوعي او وقت فراغك فقط ؟
تقريباً بشكل يومي .. او شبه يومي .. تقريباً ..

6/ من هو الشخص الي دلك على المنتدى ؟

ولا واحد .. انا سمعت فيه ..ودورت ولقيت ..
وسارعت بالانتساب ..

7/ هل كونت صداقات داخل منتدى الغبره ؟ ام انك مجرد متصفح له ولا تهمك هذه العلاقات ؟
بصراحة .. انا كسبت علاقات اقوى من الصداقة ..
كسبت الاخوة .. الصادقة .. بإذن الله ..

8 / اختر عضو .. و وجه له رسالة قصيرة ..

بحدد الاعضاء كلهم ..
ونص الرسالة .. ( انتم رائعون فابقوا كما انتم .. )
9/ هل تود بأن تصبح ( مدير موقع . مشرف لقسم ) ؟ او أنك تعتبر هذا من السخافات وتضييع الأوقات .؟
لا والله اطلاقاً مااطمح لهالشي ..
ومو لأنه / شي سخيف / على قولتك ( حاشا لله )
بس .. لانه اول شي .. مااعرف ..
يعني يادوب اطقطق على الكيبورد ..
وثاني شي .. انا مااحب .. اكون مشرف ..
بأي منتدى .. !!

10 / أي الأقسام تفضل في منتدى الغبره؟ او في المنتديات بشكل عام ؟
الاقسام الادبية بشكل عام .. واقسام الشعر والخواطر ..

11/ هل تخبر الناس ( ممن تتراسل معهم ) بعمرك واسمك الحقيقي ام تزيف ؟
اغلب اللي اراسلهم اعرفهم .. واللي اعرفه ..
لازم يكون يعرفني .. وحتى لو ماعرفني ..
بعرفه عن نفسي .. !!

12 / هل تشدك مواقع الصحف والمجلات والقنوات .. ام مواقع التسليه والتي فيها مواضيع مفيده ؟
الصحف والمجلات .. احب اقراها على الورق .. مااحب اتابعها
على النت اطلاقاً ..
والمواقع اللي ادخلها اغلبها ادبية .. يعني تقدر .. تقول
منها فايدة ..

13 / لا اعتبره سؤال ولكن اجب عليه بصراحه .. هل تضايقت عند دعوتي لك في الإجابه على هذه الأسئله أم أخذتها بصدر رحب ؟ !!

لا افا عليك .. بالعكس .. انا سعيد جداً بضيافتك ..
واتمنى اني كنت ضيف خفيف الظل .. وخفيف
على المعدة .. ( ان صح التعبير .. )

استاذي الكريم ..
الف شكر لك مرةً اخرى .. على استضافتك ..
والف شكر على مجهودك الطيب والرائع ..
وبآآنتظآآر جديدك .. دائماً وابداً ..

ودي ..