منتديات مضايف بلدة الغبره - عرض مشاركة واحدة

اوسمتي · 7th April 2011

أن كنت ناوي طعنتي للأسئلة وقت ٍطويل
عندي سؤال ٍ حاير ٍ يطرد بقايا الأجوبه

مبهم كلامك مختصر مايطعنه غير الدليل
لجل الحقيقة تتضح راقب حديثي واكتبه

كان البلا بالذاكرة نسيانها ماهو قليل
يمكن تغشاك الملل تحسب فؤادي ملعبه

من سكر أبواب الغلا واقفالها عندك بديل.؟
هزت شعوري وانفجر فيني جنون الموهبه

من سوّد القلب بجفى من فرق قلوب ٍ تميل؟
من وقف بوجه العطا حتى الليالي تحجبه ؟!

من غيّر أوراق الوفا من حوله حب ٍ هزيل؟
من ضيّع دروب الأمل يوم المسافة تقربه؟!

من حمل النبضه ألم تحمل معاناة العميل؟
من سمّم أفكار الهناء حتى تجيني متعبه؟!

من طوّل فصول السنه فيني ولبّسها العويل؟
من حدني لمفارقك ليت الليالي تنكبه؟!

من هو يحبك يعرفك نزوه على قلب ٍ هبيل!
ذاعت ملفات الخطر عقب الحكايا المعشبه

الحين طالت وقفتي ما بعدها غير الرحيل
مابعدها غير الألم بقصى فؤادي تسكبه

ما حيلتي غير الصبر مفتاحها صبر ٍ جميل
صفت هموم ٍٍ كايده والحزن قايد موكبه

هذا وأنا أكتب قصتي واذ ّكر القلب العليل
أهديتني بعض الصور لكن تراها مرعبه !

رآآآآقت لي..

المصدر: منتديات مضايف بلدة الغبره

lk p]kd glthvr; gdj hggdhgd jk;fi !! hggdhgd jk;fi