منتديات مضايف بلدة الغبره - عرض مشاركة واحدة

16th December 2010

كل وحدة تدش تخبرنا شخصيتها ..

------------------------------------------------------------------

1- الكشيخه:
هذي من تشم ريحة طلعة
تروح تطق لك الميك آب وذاك اللبس الزين وتقعد تزين في هالشعر
يعني مايهمها رايحه للسوق ..للجامعة..زيارة عائلية ...كاشخه كاشخه لو انشاء الله تاخذ لفة حول البيت ____________________________
2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معها
لكن فيه دلع عن دلع
الدلع اللي يجي على طبيعته..يااااااااااااااااااااحلوه
لكن الدلع المصطنع ..وووووووووواااااااااااااااااع ع ع ع يحوم الكبد ..ودك تخنقها
______________________________

3- البنات النصابات :
هذي الكذب عندها ماشي سوقه .. تجيب لكم كذبه كبر راسها وتدري انكم ماتصدقونها بس ماعليها من أحد
كل كلامها كذب ومصدقه عمرها

4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معه... ولو تقولها خير رمتك بأكبر ما عندها
هذي لو تمر الذبانه عند خشمها ياويلها
____________________________

5-الملسونه :
هذي لسانها دايم ناشب في حلقها وعسى ما تقولها كلمه إلا ردت عليك بعشر..
تتحرش باي واحد ..وهو مهوب يمها الضعيف هو في وادي وهم في وادي ثـــــــــــــــــــــــــــــــــــــاني بس عشان تمد لسانها عليه

_____________________________
6-راعية سوالف:
يووووووووووه هذي النوعية متعبة مررررررة
يعني تجيك الوحدة تسولف تسولف تسولف... ويالله سكتها إن كانك شاطر
من وين تجيب هالسوالف ماأدري.. وأتحدى إن خلتك تسولف
_____________________________

7- الضعيفة (دابتن سليمة)
فيه بنات ضعيفات لكن موكثير .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا .

..
_______________________________

8-فرفووووووووشة و فرووووووحة :
يعني تحب الضحك والفرفشة والتعليق .. النكد والطفش ماتعرفة .. وتتعب نفسياً اذا قعدت مع ناس ثقيلين دم
وحتى لو كان مامعها احد يضحك ويسولف .. تروح تشوف وجههاا بالمراية وتقعد تعلق على نفسها وتضحك

_______________________________

9-شايفة نفسها:
يااااكثر البنات اللي شايفات انفسهم .. البعض من البنات يحق لها تشوف نفسها..
لكن بلاااااك اللي مايحق لها .. على ايش شايفة نفسها ... مادري
ماتكلم الناس إلا من طرف خشمها ... واذا ردت ترد عقب الشين
______________________________

10-راعية الطرب والشكشكة :
هذي النوعية من البنات ماتمشي إلا بمسجلها .. وأشرطتها في شنطتها .. هذي إن جلست معها جتك الزيران غصب
_________________________

11-العناد :
بعض البنات عنيداااااااااااات
يعني إذابغوا شي سوووووووووووووووووووووووووووووووووه ولا عليهم من أحد
تنجلد.. تنطق.. تنحبس.. تتصفق.. تتلسب بالعقال ..ماعليها أهم شي اللي في بالها سوته

_______________________________

الحنانه :
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس موبالعناد لا بالدندررررررررررررررررررررررررررررره
يعني إذا بغت شي تقعد تحـــــــــــــــــــــــــــــن على راسك لما تعطيها اللي تبيه

___________________________
13-الكريمات:
هذي رهيبه عسى ماتقول أبي كذا إلا وهي جايبته لك ..
وإذا راحت مكان كبت اللي في البوك كله <<<هالنوعية لازم أصادقهم عشان أضمن الفطور
______________________________

14- غيووووورة :
كل البنات غيورات لكن نسبتها تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة مرررة <<< عاد ياكثر اللي يغارون مني
_______________________________
15-راعية السوق:
هذي لو تجيب طاري السوق وهي نايمه فزت
ودااااااايم دووووم بالسوق ..لو ماتشتري بس تروح للسوق هذي هي هوايتها
_________________________________

16-الطبيخة :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها

____________________________________

17-تمســــــــكن لين تمكـــــــــن :
يعني بالعربي ملكعـــــــــــــــــــــــــــــــه <<< طبعا فاهمينها
________________________

18- أم دميعة :
هذي لو تقولها .. بخ .. صاحت (تبكي)
دمعتها قريبة وعلى طول تصيح وياشينها
بس القهر اذا الوحدة ماتبي تنزل دمعتها عشان موقف وتنزل ذا الدموع غصب

اعزائي كل وحده ونكتب شخصيتهاااا بكل مصداقيه
وقيمونا باارايكم

المصدر: منتديات مضايف بلدة الغبره

ig id 'fdui ;g hgfk,jhj