منتديات مضايف بلدة الغبره

باعوك ياوطن باكوا

ضحكتك كولي شلون
وجهك السمح بدلوا
صار الحزن إلك لون
باسمك ياوطن تاجروا
هذولا بني صهيون
***
ثوبك للمنيه فصلوا
لأرضك جابوا الطاعون
لحلكك الحيه لفوا
العضة تعلم سنون
عنك الهوى سدوا
النفس صاروا يشحذون
***
منك ياوطن تعجبوا
معكولة صبرك يكون
لناسك أشعجب يكتلوا
الغريبة أنت تكولي تهون
لأجل الكراسي كتلوا
أطفالك وفوكاهم يهتفون
***
عاش الوطن يموتوا
باأركانك وفوكاهم يصرحون
حريتك عنوان إدعوا
بجذب صاروا يصفكون
نار بأركانك علكوا
بجذب عاش الوطن يهتفون
***
أنت تدري ياياوطن
مكرهم إلك بفنون
جلادك شما بدلوا
لابد تشوفه العيون
شما بدلوا وخفوا
هم ألك يكرهون
***
صبرك ياوطن وتهون
هم من خيرك يبوكون
اعرفك ياوطن وهما يعرفوا
إنك سمح وكلبك حنون
أعرفك جبل ومايكدروا
وأنت تسامح ياحنون
أشوفك شامخ ويعرفوا
لأهلك أنت العون
***
شعر
خالد الفرج