منتديات مضايف بلدة الغبره - لا تتركين أحدٍ يحس بَ وجعنا ..!

منتديات مضايف بلدة الغبره (http://www.ghebra.com/vb/index.php)

- مجلس الشعر الفراتي والعربي (http://www.ghebra.com/vb/forumdisplay.php?f=36)

- - لا تتركين أحدٍ يحس بَ وجعنا ..! (http://www.ghebra.com/vb/showthread.php?t=6348)

لا تتركين أحدٍ يحس بَ وجعنا ..!

لا يَ هوى القلب المعنّى ! و رجواه
لا تتركين أحـدٍ يحس بَ وجعنا !

ماظنّي أحدٍ يحمل .. اللي حَملنـاه
حنّا .. خِلقنا و المعانـاه ( معنا ) !

الهـم بادرنـا ! و حنّا .. كتمناه
و الوقت شتّتنا .. بعد ما اجتمعنا !

و الصبر : حنّا فَ الغرام ! ابتدعناه
لكن حسااافه .. صبرنا مانفعنـا !

ما مرّ يـوم ٍ فِ بُعدنا .. ما بكيناه
من ضيقنا .. كن الوطن ماوسعنا !

و لامن ذكرنا وقتنا .. اللي قضيناه
صحنا بَ عالي الصوت محدٍ سمعنا !

لِ الوصل دربٍ من عنانا / مشيناه
و تاليه : لِ دروب المفارق رجعنا !

يوم ٍ جزعنـا .. من حُمول المعاناه
محد ٍ درى عن حالنا .. لو جزعنا !

أرواحنا .. تلقى بعض فَ المناجاااه
نبحـر وننسى هَمّنا .. اللي تبعنا !

ما واحد ٍ منّـا .. تنكّر !! لِ مبداه
بِ إحساسنا ماقـد شرينا و بعنا !

لو غيرنا .. زلّت به أقدامه و تـاه
وأهداف عمره كلّها : دون معنى !

حنّا عرفنا الوقـت فَ أوّله و أتلاه
لو ينخدع به غيرنا ( ما خدعنا ) !

و .. يَ نور عيني ! بادليني المواساه
يكفي ترى من ما دهانا .. شبعنا !

أرجوك كفّي دمعتك و إكتمي الآه
لا تتركين أحدٍ يحس .. بَ وجعنا !